قصة حياة مواهبي
قصة حياة مواهبي
قصة حياتي تبدأ..من بداية الطفولة
من يوم ما مسكت حجر..ورسمت بيه عصفورة
بالصدفة واقف يتكلم..جنبي أمي وأخويا
شافوني واقف أفنن..قالولي ألعب كورة
لعبت كورة أصحابي كلهم..قالولي أركن
قعدت أبكي وأبكي..وجالي المسكن
وكل شوية أفكر..وكل شوي أدكن
بالرسم رسمت رسم..مالكل بقيت أتمكن
رسمت برج رسمت درج..وعشت جوا منه
قتلت ناس بلوني الأحمر..زي السكينة أسنه
وكل واحد شافني مره..قال كبير عن سنه
بكرا يكبر بكرا يظهر..بكرا تشوفوا فنه
كبرت وفجأة صغرت..قدام كل العيون
وفشلي المعتاد..أتكرر كل يوم
ياما بنيت مدافن..يااما بنيت سجون
ألواني مني تاهت..وفضل بس لون
اسود أساس حياتي..دايماً كده مصاحبني
في لبسي وكتاباتي..دايما كده عاجبني
افضل وافضل أعاند..واللون أتمكن مني
ياما نفسي تكون حياتي..تتغير مره بمبي
يا بمبي ياللي جنبي..ما تقرب مره مني
ولا خليك هجيلك..بس أوعى تبعد عني
يا بمبي دا مش ذنبي..دا ذنب اللي رموني
ازاي أنا أشكيلك..وانت بعيد عن فني
وسبت الرسم فتره..ودخلت حياة إفتراضية
ايوا هى ديه..الشبكة العنكبوتيه
نسجت حواليا خيوطها..وخيوطها مش عاديه
فضلت مسكاني فترة..لبعد الثانوية
ياما اتعلقت بيها..وياما توهت فيها
عشقت حاجه اسمها نت..عاشرت مواطنيها
ياما كرهت نفسي..من كتر القاعدة عليها
قابلت ناس غريبه..وطلعوا مواشيها
قابلت ناس غريبة..ناس مريبه ناس عجيبة
ناس منفسنة معفنة..ودفعت أنا الضريبة
وقابلت أجدع خلق الله..وناس مني قريبة
ناس رجالة وناس زبالة..مريت بفترة عصيبة
ياما حليت مشاكل..واتعلق بيا ناس
أزاي عرفوني حبوني..وعلى أي اساس
ياما قررت أبعد..تتحول مره ماس
ومره ورا مره..اتحول قلبي فاس
بقيت بدون أحساس..بقيت بدون مشاعر
ولما رجعت تاني..عملت نفسي شاعر
كتبتب مره جوا بره..ومره كنت جاعل
جاعل ان الحياة..اتحولت مشاعر
قالوللي كدبة بيضه..وهى زرقة سودة
نفسي أرجع للرسم..نفسي يكون له عودة
ياما نفسي كل ضربة..في قلبي تكون مردودة
مردودة لقلب صاحبها..يبعد مالوهش عودة
قررت أكتب قصة..وقصة ورا قصة
طلعت حياتي أقوى..درسوها في كل حصة
حياتي اللي كانت..عملت منها رصة
حجبت عني شمس..اسمع بقى يانصه
اسمع مره كلامي..اسمع اللي هقوله
في مره كان حرامي..سهران اللي بطوله
عمال يسرق منامي..ايوا قوله قوله
حرامي كان كلامي..دا هو اللي بقوله
ياما سهرت ولما كبرت..فهمت اني كنت
كبير عن سني ودا لأني..لأني بيه ندمت
ندمت أني نمت..بالدنيا دي حلمت
قولت أجدد كلامي..اتاريني بيه قدمت
وفي الفترة الأخيرة..قررت أعيش لوحدي
ياما فكرت أموت..ياما أتخيلت لحدي
دا انا هكون تابوت..لكل اللي بعدي
فجأة سمعت صوت..بيقول تعالى عدي
عديت على ممر..الله أعلم بيه
مش هاحكي عنه ودا لأنه..قصة حياتي فيه
حياتي اللي فاتت ماتت..حزناً عليه
على الممر اللي ضر..عليه وفيه وبيه
يا رب أبعد كل شر..في الحياة الجديدة
يا رب شوفت ياما مر..نفسي..في حياة سعيدة
حياة تكون ليا حر..سعيدة مش كئيبة
هابدأ اسطر السطور في حياتي الجديدة
إرسال تعليق