جدعان محبطين
جدعان محبطين..مش عارف ليه عايشين
كل كلامهم..انت تطلع مين؟
إن كنت رسام ..او نفسك في الإعلام
يقولولك انت فاشل..شكلك م المجانين
يفضلوا يحبطوك..ع القهوة يقعدوك
ويروحوا لأبوك..يقولولوا ابنك فين؟
ابنك قاعد ع القهوة..بيشيش جاتوا لهوه
روح شوفوا على سهوة..ابنك م الفاشلين!!
إن قولت بحب مصر..او نفسي ابني قصر
يقولولك اقعد ساكت..وعليك ضاحكين
هما علشان فشلوا..وكتير اتنشلوا
عاوزين يحبطوك..دول ناس فاشلين
خدها مني نصيجة..واتجنب الفضيحة
ابعد عنهم بسرعة..دول مش عاقلين
إن رحت تجيب العيش..او قدمت في الجيش
يقولولك مش حاتعيش..اصلنا عارفين
ان لو رحت هناك..ووقف ع الشباك
ياخدوك من قفاك..وتكون م الميتين
دول ناس كسلانين..عايشين ومش عايشين
وفيك شمتانين..ان عقلك سليم
اوعاك تنخدع فيهم..دا الحقد ماليهم
تعرفهم من عينيهم..شكلها زي الريم
الريم لما بيجف..منه احنا بنتقرف
اكيد انتَ عرفت..دول يطلعوا مين
ممكن يكونوا اصحابك..او واحد من احبابك
ما تروح تصفي حسابك..دول بينك موجودين
لكن مش كل الناس..فقدوا الأحساس
ماتشغل الراس..شوف واحد او اتنين
تأليف: أحمد محيسين
إرسال تعليق