حقيقة نسر جواك

في يوم حصل زلزال..هز كل الجبال

كان يوم رعد وبرق..اثر على الأشجار

فوق شجرة من الطوال..عش نسر منهار

وقعت منه بيضه..ونزلت في الأدغال

خدها الدجاج رعاها..فقست نسر رباها

ايوا رباها رعاها..النسر بقى منها

آكل شارب معاها..عايش في مرعاها

النسر بقى منهم..عايش على حماها

وفي يوم بيرفع راسه..شاف اهله وناسوا

اهله النسور في السما..راح عبر عن احساسه

ياما نفسي اطير زيهم..واكون واحد منهم

ضحكت كل الفراخ..راح منكس راسه

عاش وسطيهم ذليل..تعبان نهار وليل

لو عرفوه الحقيقه..لقتلهم يميل

لدبحهم لأقتلهم لأكلهم..ويكون هو الكبير

عاش بينهم أسير..ومات حقير ذليل

ياما شوفت كتير نسور..عايشة وسط القبور

ياما شوفت أرض جنه..الشوك خلاها بور

يا نسر قوم وفوق..كسر كل الحواجز

حلمك حقيقي فوق..لكن لازم تنافس

م.المر لازم تذوق..للشر تكون منافس

لأما تعيش على شوق..وتموت مع الخنافس

يانسر طير وحلق..أوعاك من ريح تقلق

اوعاك تسمع كلامهم..كلامهم اللي شلك

سيبك م.اللي حواليك..الكل غادر بيك

قوم طلع اللي فيك..ولع في اللي يعاديك

بكرا يفتخروا بيك..حلمك هو اللي ليك

حلمك هو الحقيقة..حقيقة نسر فيك

تأليف: أحمد محيسين