ولد وبنت
انتوا اللي قولتوا..إن الحب في زمانكوا
ولد وبنت..للقديم ايه اضافتوا
يمكن فهمت..من مغزى كلامكوا
إن اللي حب..مكانوا مش مكانكوا
وإن اللي حب..حياتوا بكرا هتبقى غلب
طب ليه تحبوا..والحب منكوا اتسلب
انتوا اللي قولتوا..إن الحب ولد وبنت
ولو سمعكوا الحب..هيقول اتظلمت
ولد وبنت..حبوا بعض من السراب
بدأت بضحكة..والضحكة قلبت إعجاب
راح خاد رقمها..تتطمن وهيطمنها
مش فاهمه حاجه..بس هو هيفهمها
وصلت لبيتها..وصل لبيته قال حبيتها
رن عليها..يطمن على سلامتها
ايوا فلانة..إزيك أهلاً فلان
مع السلامة..نتقابل بكرا في مكان
مقدرش اسرد..كل تفاصيل المكالمة
تافهه ولكن..بكرا تيمو يحب سلمى
نفس الزمان والمكان..والميعاد في التمام
أهلاً فلانة..أزيك أهلاً فلان
ومقابلة ورا مقابلة..عنتر أعجب بعبلة
للحب هيعترف..ومجاش في دماغة الدبلة
راح خادها فرصة..فلانة هاحكيلك عن قصة
نفس الحوار..ياخدها جزء ورصه رصه
قالتله يقولها..إنه معجب بها
قالها هى انتي..ايو اللي بحبها
عملت نفسها متفاجأة..يعني مكانتش فاهمه
قالها قولتي ايه؟..قالتله أيوا لأه
طب سيبني أفكر..اقعد يومين فيهم اقرر
عدى اليومين..والجواب حبيبي عنتر
راح طار م.الفرحة..اتخيلها معاه بالطرحة
موضوع ورا موضوع..قالتله امتى الزفة
وحوار ورا حوار..أكلها الفشار
نسيت موضوع الزفة..واللعب بدأ في نار
هدية جابت هدية..موضتك دي مش عادية
ايوا بغير عليكي..من كل الخلق ديه
وحوار بيجيب حوار..والجد بقى مش هزار
قالتلوا اتقدملي..لازم تاخد قرار
وانا اجيب منين الشبكة..وامك تطلبي شقة
جيوبي لسه ناشفه..جوابي ألف لأه
حزنت يومين..والأنتحار مرسوم في العين
رن عليها..قالتله وانت تطلع مين
جالها عريس..وكان احسن منه مفيش
قالت موافقة..لمجرد حبيبها تغيظ
عاشت كئيبة..بعد الجوازة العجيبه
أزاي توافقي..لمجرد عناد دي مصيبه
طلبت طلاقها..بعد الخناق طبعاًوافقها
شافت حبيبها..مع صاحبتها مرافقها
نفس الكلام..نفس المكان والزمان
أهلاً فلانة..إزيك أهلاً فلان
أنتوا اللي قولتوا..إن الحب في زمانكوا
ولد وبنت..للقديم ايه اضافتوا؟
يمكن فهمت..من مغزى كلامكوا
إن اللي حب..حياتوا بكرا هتبقى غلب
طب ليه تحبوا..والقلب منكوا اتسلب
أهلاً فلانة..إزيك أهلاً فلان
تأليف: أحمد محيسين
إرسال تعليق