فار و قط
تصدق إن الفار
لما شاف القط انهار
لما قالوا خد قرار
انك تبقى فار شجاع
تعيش في وسط الناس
ماسك سجارة وكاس
تجمع اتاوة ماس
كله بلوي الدراع
ابعد كل معارفك
اقتل كل اللي قارفك
اعمي كل اللي شايفك
هايخاف منك سباع
طب تصدق ان نصيحة
كانت للقط فضيحه
لما كان للفار دبيحه
افتكر عدوه صاحب
عاوز يشيل عداوه
ويزيل من قلبه قساوه
فاتاكل بعقله حلاوه
وهيبة القط راحت
لما الفار كبر وسيطر
وعمل من نفسه قيصر
وبعرش القط اتمنظر
لما ريحة القط فاحت
هى دي المصالح
اللي انت فيها فالح
صاحب المصلحة طالح
مش صاحب لكن عدو
اتمنيت له كل خير
وطلعت معاه أصيل
جدك سابلك تحذير
"صاحب المصلحة سو"
تحذير جدك نسيته
والفار دخلت بيته
سمك باللي سميته
ايه فايدة كل نو؟
ايه فايدة الصراخ
ما القط صوته راح
هايفيد ايه النباح
في وسط العرين!
غير سرعة التهام
ضعيف من غير كلام
اتغير الزمان
فالفار اصبح لئيم
صاحب المصلحة ماكر
عمره ما يكون ليك شاكر
بالعكس بيكون ناكر
وبينكر الجميل
ما تنصح نفسك بيها
نصيحتك اللي فيها
صاحبت الفار عليها
وكنت صاحب مغفل
ولا انت تفتكر
إن القطط تفتخر
بانك تبوح بالسر
وإنك بالفار تتكفل!
تأليف: أحمد محيسين
إرسال تعليق