سم حسدة

بكرا هابقى فوق..وانتوا لسه تحت مني

هارمي ليكوا طوق..بس هتبعدوا عني

ماشيينها بعلوا الصوت..بس صوتي أعلى منكم

بكرا صوتي سوط..ع اللي يقرب مني منهم

شوفتوا حياتي ماشية..قولتوا تقفوا في طريقها

بس حياتي شايفة احلام..ماشية في سبيل تحقيقها

ارموا شوك قدام طريقها..هيأذي فيكوا مش فيها

ليها أكتر من طريق..والكل ملك ليها

حقد غل سم حسدة..بدون سبب معروف

ماشي وسط عروقوكوا..بدل الدم المحروق

غلوا بخوا سمكوا..خلو حياتكوا سموم

عمالها حاقد قبلكوا..فااتسم مات مسموم

عاملين عيونكوا مدافع..بس الزخيرة فاسدة

الحقد منها نابع..فعيونكوا تفضل حاسدة

سبتوا حياتكوا تضيع..لإنشغالكوا بحياتي

حلمكوا الوحيد..هو سماع خبر مماتي

مماتي بإيد الخالق..قادر يقتلني بنملة

مش بحقد حاسد..عشم إبليس في الجنة

بشوفكوا زي كلاب..آخر احلامكوا عضمة

فبكرا اطلع فوق..وتبقى ليكوا صدمة

فتلهسوا او تموتوا..مش فارقة معايا حياتكوا

هتموتوا ييجي غيركوا..فيفيدني بإيه مماتكوا

بالعكس عاوزكوا جنبي..افضل اتسلى بيكوا

أخلى غباتكوا حديقة..أزهق اروح عليكوا

كلاب هناك بتعوي..وديب بياكل تعلب

فكلكم في بعض..فصيلة قاعدة تلعب

فعادي لما تلعب..في حديقة ملك ليا

فاسيبهم ياكلوا في بعض..أخليت المسؤلية

تأليف: أحمد محيسين