حوادث
في كل مكان خناقه
في كل مكان حادثه
و الناس قاعده في رواقه
الناس بقت مش حاسه
حتى اللي قام يسلك
حتى اللي قام يحوش
اتاريه رايح يسخن
الناس بقت وحوش
أرجع لأصل الخناقه
ارجع لأصل الحوادث
هتلاقي السبب تافه
والناس عليه بتتنافس
افتحلي جريدة شر
واقرالي الخبر المر
منشيت طويل بيحذر
جواز شباب في السر
كترت بينا الحوادث
كترت بينا المشاكل
حتى رغيف العيش
بقينا عليه بنتشاكل
طفلة صغيره خطفوها
أغتصبوها ورموها
زينة امها و ابوها
دبحوها قتلوها
راحت فين الكرامه
راحت فين الرجوله
خلاص مع السلامه
شكلهم كده باعوها
الكره سكن في قلوبنا
والشر بقى حاجه عاديه
والغل حتى في اسلوبنا
والمهنة بلطجيه
فاكر او حتى ناسي
صدعوا بيها راسي
الناس واخداها شطارة
الناس بقت مآسي
الناس بقت بتشاكل
حتى مع نفسيها
وشبابنا هاجر سافر
سابوها باللي فيها
كلمني على مشاكلنا
كلمني ع.اللي بينا
محتاج ايام وشهور
لو يعني حد فاكرنا
فاكرنا طبق مستور
مااحنا اللي هينا ذاتنا
بنسيب اللي جاي
ونفكر في اللي فاتنا
لو كل الناس ترجع
ترجع كده زي زمان
ترجع للحب والصلح
ونعيش في سلام وامان
ولا انا يمكن بحلم
يمكن دي احلام
يا رب لو كان كابوس
إرسال تعليق