يوم ما تموت
يوم ما تموت..
هيكفنوك عادي
وهيدفنوك عادي
مش هايسيبوك..
أهو دا اللي مش عادي
كام دمعة تنزل يوم دفنتك
في الأصل مش ليك
كان شيخ بيدعي في خطبتك
واتنافقوا بيها عليك
فيهم اللي افتكر دفنته
وظرفله كام دمعه
أعلن هدايته وتوبته
وبقى يحضر الجمعة
فيهم اللي يحكي قصتك
قام حاكي كل ماضيك
يتباهى فيه بصحبتك
مش دا اللي برضوا ناسيك؟
والتاني حضر قصته
والناس كلها سامعه
قال حلمت بيه في جنته
الشيخ قالهم جامعاً
بعد ردمك بالتراب
صاحبك أهو بينتحب
بيقولهم مش ماشي
يمشوا ويمشي معاهم
اهو دا اللي كان عادي
تأليف: أحمد محيسين
إرسال تعليق