وصية عجوز
ستين سنه مروا هنا
مرور كرام سنه بسنه
قاعد بشوف شريط حياتي
بيجري زي الأحصنة
عملت ايه افدت بيه
ولا أي شيء اذكر عليه
فا اسمي بكرا لا وجود
ميت ودود بياكل فيه
ولدت طفل مت كهل
عشت عيشه مش بالسهل
فكن وجودي لا وجود
خلى موتي كان على مهل
جمعت مال ربيت عيال
وكنت للدنيا ميال
فمات عيالي خسرت مالي
عشت عجوز ما اسواش ريال
فكل فتره أقول لبكرا
وبكرا يفوت مجرد ذكرى
ففات شريط حياتي عدى
أصبحت الآن مجرد نكرى
فوصيتي بوصي بيها شاب
على بكرا بس اعتمد
هييجي بكرا تقول لبكرا
والنهاية تكون سراب
فليه ماتقولش النهارده
والإرادة تبقى صامده
هايجي بكرا تقول لبكرا
الحياة مجرد وامضه
فبص لبكرا كالنهاية
والنهارده البداية
تعيش حياه اجمل حياة
وبكرا ييجي معاه هدايا
تسيب في الدنيا بصمتك
تموت يشوفوا نجمتك
يقولوا مات ولسه عايش
في الحياه ذكرتك
ألف كتاب أو فيد بعلم
بكل مجال خليك ملم
بقول مثال فبأي حال
الذكرى الحلوة بتستمر
فعيش حياتك كل يوم
بلاش تسوف مش هتدوم
وسيب في الدنيا بصمتك
الذكرى الحلوة اللي بتدوم
فخدها مني نصيحه ليك
حلمك يتحقق بس بيك
فليه تستنى مد العون
الحلم مش ليهم دا ليك
بلاش تقول كلام الناس
بلاش تشرب من نفس الكاس
فكل كلمة فيها تأجيل
تكون عليك بكرا مداس
انتهت وصيتي
يمكن تكون دي بصمتي
الامضاء عجوز ومات
عن حياته مش رضي
تأليف: أحمد محيسين
إرسال تعليق