النفس اللوامة
قبل النوم عمال بتسأل
هتموت ولا لسه؟
هتكمل حياتك تاني
ولا هتكون جثة؟
لسه؟
بتفكر تكمل
تقوم م النوم وتنسى!!
ترجع تاني يوم للنوم
تلوم نفسك دي نكسة!!
هزمك فيها فكرك
وسط سجنه آسرك
قاوم مهما تقاوم
هيفضل برضوا كاسرك
لا تصحى في عالم تاني
لا تصحى وسط دنيا
أو تصحى بين البينين
فاضل في عمرك ثانية
النفس اللوامة دوامه
وسط أعمالك السودة
تعرض ليك على شاشة أعمالك
تهرب منها بنومك
تصحى للنفس الأمارة بالسوء
فتسوق أو تتساق منها
ترسى على شط الخير
أو شط الطير الجارح بينها
تأليف: أحمد محيسين
إرسال تعليق