قانون غابتهم

إنسحب عشانهم..وسيبلهم مكانهم

بكرا ييجوا لحد عندك..ومعاهم كفنهم

سيبلهم غابتهم..شايفينها مملكتهم

صدقني مهما تنصح..نصايحك مش هتفيدهم

عيش ملك بدونهم..بكرا تكون حاكمهم

حابب تعيش معاهم..يبقى أرضى بقانونهم

تعيش أسد في غابة..تجوع تآكل غلابة

تموت صقور بتآكلك..موتك نزع المهابة

ضحكوا عليك قالولك..ازاي نعيش بدونك

أنت ملك في غابة..لو حكمتهم بقانونك

سيبهم ياكلوا في بعض..هى الدنيا إيه غير عض

لما تشوف الطلقة تجاهك..خدها يالا صد و رد

ابعد عن تصويبهم..حاول تخفيلهم عيبهم

شوف نقاط الضعف..ركز عليها وصيبهم

تأليف: أحمد محيسين