أم الشهيد

قبليها بيومين...أتصل بأمه

بلغها أنها...متشيلش همه

أمي ياحبيبتي...أسمعي ماتعيطيش

كلها أسبوعين...وخلاص أخلص جيش

وأتجوز خطيبتي...وأسكن معاكي وأعيش

عارف ان بفراقك ليا..أنتي ماترضيش

أرجوكي طمنيني..الصول نده عليا

طالعين بعد شوية...عندنا مأمورية

يلا ياجندي نظام...أدخل في الفرقه ديه

أتجدعن يالا بسرعة...وشيل البندقيه

بعديها بيومين...الجندي غرق في دمه

سألوا عن أهله مين...راحوا أتصلوا بأمه

الحاجه أم سعيد...خلي قلبك حديد

ابنك دافع عن بلده...وراح لربه شهيد

الأم كانت حاسه..والخبر مش جديد

حلمت أن أبنها...باعد عنها بعيد

ربنا يعين...فراق السنين

صعب على امه وأهله... مالضحكه محرومين

الضحكه خلاص اتقتلت...ومعادش ليها رنين

ربنا يصبر أهل كل...شهيد قولوا آمين

تأليف: أحمد محيسين