يا ناس ياحاقده حاسده
يا ناس منفسنه معفنه..ياحاسده خلق الله
يا ناس ياصفره فيكي عفره..انتي حشرة الحياة
قرآن كريم ربي عظيم..رب العلا نزلنا الدوا
دواء شفاء من كل عين..نازل من فوق سابع سما
يا ناس ياحاقده حاسده فاسده..الخير هو اللي غالب
ذوات عيون فيها سموم..غلبت سم العقارب
من كتر غلكوا وشركوا..سمكوا لكل خير محارب
عيونكوا بومه عيون مسمومه..عيون زي المخالب
يا قاتله كل حاجه حلوه..عينك نار الحريق
يا قاطفه كل ورده عابده..يا شوك في الطريق
يا ناكره كل خير..وكل طير جميل برئ
عاشقة ظلام حبه كلام..عيون واحد غريق
غرقان في بحر الشيطان..بحر الحسد بحر الظلام
بحر اللي فيه هو اللي ليه..عيون حبه الكلام
واصله الرساله في كل حاله..للحثاله لكل سام
دا استحالة يكون بحاله..قلب حابب السلام
كلمة اخيرة فيها خيرة..لكل واحد صابته حيرة
شر جراله في ليله نهاره..واللي خلى حياته مريره
في واحد حاسد حاقد فاسد..قريب أو صاحب او م الجيرة
عينه كبيره صفره خطيره..أخ قريب أو صاحب عيره
عينه في عيالك مالك حالك..قاصد أو غصب عنه
لو غصب ادعي من القلب..الخير يقرب منه
لو قصد ابعد عنه..ثعبان بيبخ سمه
انت اساس همه..دا مرض ماشي في دمه
اقتنع بكلامي مرض في أي أُمه..لو صابها جاب اجلها في أهلها ومالها
مرض بدون عرض اقوى من الحُمه..ماتقولش هى مالها ايه صابها وجرالها
رسولنا حذر منه ودا يمكن لأنه..لو صاب قلوب الناس أكيد هايغير حالها
يجيب عاليها واطيها أكيد هـ يأذيها..الناس الحاقده الحاسده سِمك هو عسلها
تأليف: أحمد محيسين
إرسال تعليق