الورقة والقلم

ورقتي..صعبت عليا لما شوفتها قدامي بتبكي

حبيبتي..مالك حزينة ليه؟ من أيه بتشكي؟

سكتي..أفهم من السكات إنك ليا رفضتي

زعلتي..افهم من زعلك انك للسر عرفتي

بس انتي عارفة..ان حبنا لبعض مش مخالفة

عارف إنك خايفة..بس اعمل ايه ماانتي شايفة

رايحلها رايقة..رشك بالعطر طب من ايه انتي متضايقة

رايحلها فايقة..وانا اتكتب عليا النوم بعد كلماته الزايفة

وانا ذنبي ايه؟..ذنبك إنك قلم مضحوك عليه

بتقولي ايه؟..زي ما سمعت إنت عبد ليه

اضحك عليه؟..لأ صب حبرك فوق سطوري قدام عينيه

بس فراقنا..ممكن يكون سبب فراقهم

جهزي سطورك..افتحي لحبري بسرعة قبورك

فرقي حبري..من عرضك لحد طولك

سكتي؟..افهم من السكات إنك قبلي مُتي؟

ورقتي..احضنيني بين سطورك يا حبيبتي

تأليف: أحمد محيسين