أمتى الدنيا تضحك
امتى الدنيا تضحك..في وشك مش تعبس
لما إنت تضحك..للضحكة مش تتربس
ولو غرقت فيها..خد نفس وإحبس
بكرا هتلاقيها..بدل منك تتنفس
يا قاصد الضحكة اضحك..ابتسم تبتسملك
لو الدنيا خيال..أحلم يتحقق حلمك
اوعى الكابوس يسيطر..لأما هتكون سمك
حياتك فيها لوحة..صدقني بتترسملك
خد الألوان وخطط..حياتك فيها سطر
ارسم لون حياتك..تحقيق حلمك فيه فكر
قلل م اللون الأسود..كتر م اللون الأخضر
بكرا لوحتك هتكبر..تكبر أكتر وأكتر
ياعاشق اللون الأسود..مستغرب من كابوسك
ما دام بتحبه اصمد..مستغرب ليه عبوسك
مستغرب ليه كآبتك..والنقص في فلوسك
الدنيا يابني سابتك..بكرا ترجع تدوسك
امتى الدنيا تفتح..ابوابها الحلوه ليك
لما انت تفتح..قلبك للي حواليك
ولو كبرت فيها..سيبك م اللي يعاديك
بكرا هتلاقيها..بدل منك تحميك
ياقاصد الرزق اسعى..وأدعي للي خالقك
صدقني مهما تسعى..هو اللي رازقك
اوعى الدنيا تسيطر..أحكيله اللي خانقك
حياتك فيها لوحه..الأسود اللي ضايقك
خد الألوان ولون..قصتك فيها دون
ارسم لون حياتك..برج حلمك فيه كون
أسأل عن اللي سبقك..هتلاقيه كان مدون
لون حياته دون..وحلمه فيها اتكون
إرسال تعليق