أول يوم في المعهد
صابح نازل رايح الجامعة
جامعة ايه دا انا حتى في معهد!!
مكرم يا اسطى؟
"اركب يابني"..
خدتلي جنب السواق مقعد
طب وانا هامشي لأول فخري!!
خدني لحد النادي الأهلي
أحمد فخري هو دا أخري
شاب ورايا فجأة ندهلي:
"كابتن كابتن فين المعهد؟"..
شايف البنت اللي هناك دي
امشي وراها رايحة المعهد
بس اصبر لما تعدي
"شكلك هتلبسني مصيبة..وشك كده في ضحكة غريبة"
امشي معايا ياعم واسكت
عدي معايا يالا التحويلة
"مصاريفة كام؟ ايامه ايه؟..مالك ماشي بتضحك ليه؟"
ابداً امشي بس واسكت
والمصاريف فوق ألف جنيه
دا مقعدنا ودا معهدنا
أهلاً بيك هنا معهد خدمة
بس هتدرس في آخر دور
"يانهار ابيض كل دا مبنى؟"
أول ناس هيقابلونا أمن
دايما بالكارنية يهتم
"بس انا لسه جديد في المعهد؟"
اخرس وادخل يالا ياعم
ع.الشباك ادفع مصاريفك
بص هناك ملعب على كيفك
"دولا اتنين هالعب فين؟"
امشي ياعم احسن لي اسيبك
لمة جديدة موجودة في الساحة
الناس دي واخداها سياحة
على نافورتنا لسه بعدي
لقيت دفعة أولى مرتاحة
طالع ع.السلم كالعادة
واحدة من السلم منكادة
"كل دا لسه الدور التاني؟"
شكلها كده مش شافت حاجة
نفس الدفعة بس أقل
الواحد منهم اتشل
كله بيتكلم في نتيجته
وانا اصلاً بيها مش مهتم
"عامل ايه؟ واحشني بجد"
نفس الكلمة اكتر من حد
كالعادة سؤال عن تدريب
والتهريج بقى يقلب جد
شفنا الدكتور نفس الدكتور
فدخلنا قبليه على طول
"سنة سعيدة عليكو ولادي"
لخص المنهج في سطور
خلصت محضراتي نزلت
ع الدفعة كلها سلمت
يالا اقابلكوا في مشهد تاني
مخرج قال أكشن أكشنت
إرسال تعليق