إنطوائي

رغم كوني إنطوائي..والغموض كتر اعدائي

إلا إني عايش في حالي..عايش بعيد عن حال الباقي

سبت ليهم أرض الواقع..عشت في عالم إفتراضي

عاشوا ثم تعايشوا عادي..عملوا جريمة كنت القاضي

سبت ليهم المكان..قالوا كان شديد ولان

سبت ليهم المحاكمة..عمري ما احكم غير إعدام

عشت في عالم الإنطواء..شوفت للمشاهير سباق

بانطوائهم عملوا شهرة..كونوا جماهير أغبياء

انطوائي غير إنطوائكم..عشت في أرض كانت سمائكم

مهما تعلوا ليكوا سقف..سقف حلمكم غبائكم

سقف لحلمي متلاقيش..حلمي كان إني أعيش

عايش في جنة بس استنى..جنة في الدنيا مفيش

الدنيا فانية حلمه ايه..يكبر تحت إسم بيه

بكرا البيه يسيبها يمشي..استفاد من حلمه ايه

عشت في عالم إجتماعي..كله لقتل بعض ساعي

الغني بيقتل فقير..تتقلب في خبر إذاعي

الفقير قتل غني..عشان بماله يغتني

حلل قتله ونهب ماله..والسبب انه دني

روح للعالم الموازي..اللي شوفت فيه ملازي

جيبلي قتل وسفك دم..آخرك انتحار تلاقي

ساب عالمكم الشقي..مش معناه إنه ذكي

بالعكس كونه عاش عالمكوا..وانتحر يبقى غبي

عاش عالم عنه غريب..رضي يعيش وجاره ديب

فاللي قتله خوفه منه..مش إنطوائه المريب

رغم كوني انطوائي..فالغموض كتر اعدائي

ازاي يسيبوني عايش في حالي..لازم اعيشها زي الباقي

لازم اعيشها كالكفيف..قدام قوي ابقى ضعيف

اشم عطر الربيع..لازم اقول إنه خريف

بالأجماع انت إجتماعي..بحكم الفرد إنطوائي

كلمة حكمت كلمة سجنت..كلمة تخليك زي الباقي

تأليف:أحمد محيسين